لاہور(نمائندہ اپنا وطن )صوبائی وزیر صنعت و تجارت پنجاب چوہدری شافع حسین سے مسلم لیگ ق کے رہنما صاحبزادہ عتیق گھمن نے ملاقات کی۔ ملاقات میں پنجاب میں سرمایہ کاری کے فروغ اور تجارتی مواقع بڑھانے کے امور پر تفصیلی بات چیت کی گئی۔
اس موقع پر صاحبزادہ عتیق گھمن کی پنجاب بورڈ آف انویسٹمنٹ اینڈ ٹریڈ میں ایگزیکٹو ڈائریکٹر کے طور پر تقرری کا نوٹیفیکیشن بھی جاری کیا گیا۔
انہوں نے اس عہدے پر تعیناتی پر اظہارِ تشکر کرتے ہوئے کہا کہ وہ چوہدری شافع حسین کے اعتماد پر پورا اترنے کی بھرپور کوشش کریں گے اور پنجاب میں سرمایہ کاری کے فروغ کے لیے بھرپور کام کریں گے۔
صاحبزادہ عتیق گھمن نے کہا کہ چوہدری شافع حسین کی وزارت میں کارکردگی بے مثال ہے، اور مجھے ان کے اعتماد پر مایوس نہ ہونے کا موقع ملا ہے۔”ملاقات کے دوران دونوں رہنماؤں نے پنجاب میں صنعتی ترقی اور تجارتی سرگرمیوں کو بڑھانے کے لیے ق لیگ اور وزارت صنعت و تجارت کے درمیان تعاون پر زور دیا۔
