چینی کمپنیوں پر بر طانوی پابندیاں یکطرفہ ہیں، چینی وزارت تجارت

بیجنگ :برطانوی وزارت خارجہ نے روس کے خلاف پابندیوں کے ایک نئے دور کا اعلان کیا، جس میں متعدد چینی کمپنیوں کو نشانہ بنایا گیا۔ اس حوالے سے پیر کے روز چینی وزارت تجارت کے ترجمان نے کہا کہ برطانیہ کئی بار چینی کمپنیوں پر روس کے ساتھ ملوث ہونے کا بہانہ بنا کر پابندیاں لگا چکا ہے۔ برطانیہ کی طرف سے یہ اقدامات یکطرفہ پابندیاں ہیں جن کی بین الاقوامی قانون میں کوئی بنیاد نہیں اور نہ ہی اقوام متحدہ اس کی اجازت دیتا ہے۔ انہو ں نے کہا کہ چین ان پابندیوں پر شدید عدم اطمینان اور سخت مخالفت کا اظہار کرتا ہے۔ترجمان کا کہنا تھا کہ یوکرین کے بحران کے معاملے پر، چین نے قوانین اور ضوابط کے مطابق دوہری استعمال کی اشیاء کی برآمد پر مسلسل اور سخت کنٹرول کیا ہے، اور چینی اور روسی کاروباری اداروں کے درمیان معمول کے تبادلے اور تعاون میں اس حوالے سے مداخلت نہیں ہونی چاہیے۔ چین نے برطانیہ پر زور دیا ہے کہ وہ اپنے غلط طرز عمل کو فوری طور پر درست کرے اور متعلقہ چینی اداروں کے خلاف عائد کی جانے والی پابندیاں اٹھائے۔