ہمہ گیر عوامی طرز جمہوریت انسانی سیاسی تہذیب کے لیے ایک اور امکان ، چینی میڈیا

بیجنگ :سڑکوں اور محلوں سے عوامی رائے کو جمع کرنے سے لے کر نیٹیزنز کی لاکھوں تجاویز کو پانچ سالہ منصوبے میں شامل کرنے تک؛ ویلج کونسل کے اجلاسوں سے لے کر قانون سازی کی سماعتوں کے دوران مختلف گروپس کی آوازوں تک. چین میں، لوگوں کی “چھوٹی خواہشات” کو بالآخر ملک کے “عظیم بلیو پرنٹ” میں ضم کیا جا سکتا ہے۔ وہ جمہوری نقطہ نظر جو عام لوگوں کی آواز کو پالیسی سازوں تک پہنچانے کی اجازت دیتا ہے اسے ” ہمہ گیر عوامی طرز جمہوریت ” کہا جاتا ہے۔ یہ جمہوری نظام، جو چینی معاشرے کی طویل مدتی مستحکم ترقی کی حمایت کرتا ہے، پوری دنیا کی توجہ حاصل کر رہا ہے۔ یہ نہ صرف “چین کی حکمرانی” کو سمجھنے کی کلید ہے، بلکہ جمہوری انتخابات، مشاورت، فیصلہ سازی، نظم و نسق اور نگرانی کے پورے سلسلے کا احاطہ کرنے کی اپنی نمایاں خصوصیت کے ساتھ، انسانی سیاسی تہذیب میں ایک اور قابل غور امکان دیتا ہے ۔ جمہوریت کسی ایک ملک کا خصوصی پیٹنٹ نہیں ہونا چاہئے، اور نہ ہی کوئی ایسا ماڈل ہے جس کا عالمی سطح پر اطلاق ہو سکے۔ جیسا کہ شی جن پھنگ نے کہا کہ “جمہوریت کے حصول کے کئی طریقے ہیں، اور کوئی ایک راستہ نہیں ہے۔ دنیا کے متنوع سیاسی نظاموں کی پیمائش کے لیے ایک ہی معیار کا استعمال کرنا، اور انسانیت کی رنگین سیاسی تہذیب کو واحد نقطہ نظر سے پرکھنا، خود ایک غیر جمہوری سوچ ہے۔”چینی طرز کی جمہوریت کو ” ہمہ گیر عوامی طرز جمہوریت” کہا جاتا ہے، جو مغربی جمہوریت میں صرف “ووٹنگ کے لمحے” پر زور دینے کے عمل کے بجائے جمہوری انتخابات، جمہوری مشاورت، جمہوری فیصلہ سازی، جمہوری انتظام، اور جمہوری نگرانی پر زور دیتی ہے۔جمہوریت کی روح “عمل” ہے۔ ” ہمہ گیر عوامی طرز جمہوریت” کے اتنی مضبوط قوت ہونے کی وجہ یہ ہے کہ یہ “وسیع ترین، حقیقی اور سب سے زیادہ موثر” جمہوریت ہے کیونکہ یہ روزمرہ کی زندگی پر محیط ہے اور ہر ایسی پالیسی میں اس کا اظہار ہے جو عوام کے ذاتی مفاد سے متعلق ہو۔