جرمن کمپنیاں چین کے پندرہویں پانچ سالہ منصوبے کے نئے مواقع سے فائدہ اٹھانے کے لیے کوشاں

بیجنگ :جرمن کمپنیوں نے چین میں اپنی سرگرمیوں میں تیزی لائی ہے۔ منگل کے روز چینی میڈیا کے مطابق چائنا ڈیولپمنٹ فورم میں شرکت سمیت وزارتِ تجارت اور مختلف حکومتی اداروں سے ملاقاتوں کے ذریعے جرمن کاروباری وفود خاص طور پر اہم شعبوں میں اپنی موجودگی کو وسعت دینے اور پندرہویں پانچ سالہ منصوبے کے آغاز کے نئے مواقع سے فائدہ اٹھانے کی کوشش کر رہے ہیں۔باش گروپ کے بورڈ آف ڈائریکٹرز کے چیئرمین نے کہا کہ گزشتہ دس برسوں کے دوران کمپنی نے چین میں تقریباً 60 ارب یوان کی سرمایہ کاری کی ہے اور آئندہ بھی اہم شعبوں میں اپنی سرمایہ کاری کو مزید وسعت دی جائے گی۔اسی طرح باسف گروپ کے ایگزیکٹو بورڈ کے چیئرمین نے کہا کہ ان کی کمپنی ہمیشہ چین کو عالمی سطح پر اپنے اثاثہ جاتی انتظام اور ترقی کے لیے سب سے اہم مرکز سمجھتی آئی ہے، اور مستقبل میں بھی چین ان کی عالمی حکمت عملی کا کلیدی حصہ رہے گا۔