پیٹ کمنز کی بچوں کیلئے مقبول سیریز کی پانچویں کتاب کی رونمائی

ایک طرف موجودہ کرکٹرز کی مختلف تنازعات میں کی خبریں شہ سرخیوں میں ہیں تو دوسری جانب آسٹریلوی کپتان پیٹ کمنز اپنی نئی کتاب کو سامنے لا کر پذیرائی حاصل کر رہے ہیں۔

آسٹریلوی کرکٹ ٹیم کے کپتان پیٹ کمنز کی بچوں کے لیے مقبول کتاب کی سیریز ہاؤزٹ پیٹ کی پانچویں کتاب کرکٹ رائزنگ اسٹارز منظرِ عام پر آگئی ہے۔

پیٹ کمنز نے سوشل میڈیا پر کتاب کی ریلیز کا اعلان کرتے ہوئے بتایا کہ نئی کتاب کی کہانی پیٹ، پراو اور بیتھ کے گرد گھومتی ہے۔

آسٹریلوی کپتان کے مطابق یہ تینوں آسٹریلوی رائزنگ اسٹارز کرکٹ ٹیم میں جگہ بنانے کے لیے تربیت حاصل کر رہے ہیں۔ اس دوران ان کی ملاقات ہالی ووڈ اسٹار سے بھی ہوتی ہے۔

پیٹ کمنز نے کتابی سیریز کی تکمیل پر خوشی کا اظہار کرتے ہوئے کہا کہ ان کتابوں کو تخلیق کرنے پر فخر ہے۔

انہوں نے امید ظاہر کی کہ قارئین نئی کتاب کو بھی اتنا ہی پسند کریں گے جتنا انہیں اور ان کی ٹیم کو اسے تخلیق کرنے میں لطف آیا۔