لاہور میں بارش کے اعداد و شمار جاری

لاہور کے مختلف علاقوں میں ہونے والی بارش کے اعداد و شمار جاری کر دیے گئے۔

واسا حکام کا کہنا ہے کہ لاہور کے علاقے سگیاں میں سب سے زیادہ 36 ملی میٹر بارش ریکارڈ کی گئی جبکہ جوبلی ٹاؤن میں 34 اعشاریہ 4 ملی میٹر بارش ریکارڈ کی گئی۔

لکشمی چوک پر 25 اعشاریہ 4، اسلام پورہ میں 24 اعشاریہ 4، ایئر پورٹ اور گلشنِ راوی کے علاقوں میں 23 ملی میٹر بارش ہوئی۔

سمن آباد میں 19 اعشاریہ 8 ملی میٹر، جیل روڈ اور ڈیفنس روڈ پر 18 اعشاریہ 8 ملی میٹر بارش ریکارڈ ہوئی۔

واسا حکام کے مطابق جوہر ٹاؤن میں 18 اعشاریہ 6 ملی میٹر اور ٹھوکر نیاز بیگ میں 16 ملی میٹر بارش ریکارڈ ہوئی۔