ایشین گیمز: 11 سالہ جاپانی کھلاڑی نے ای اسپورٹس میں طلائی کا تمغہ جیت لیا

جاپان کے 11 سالہ کھلاڑی یوکی کوریہارا نے ایشین گیمز میں نئی تاریخ رقم کر دی اور اپنے ملک کے لیے ای اسپورٹس کا پہلا طلائی کا تمغہ جیت لیا۔ 

بین الاقوامی میڈیا کی رپورٹ کے مطابق پانچویں جماعت کے طالب علم نے خود سے بڑی عمر کے کھلاڑیوں کو شکست دے کر یہ اعزاز حاصل کیا۔

رپورٹ میں بتایا ہے کہ جاپان کے شہر ناگویا میں جاری ایشین گیمز کے دوران یوکی کوریہارا نے مشہور پزل گیم پویو پویو چیمپئنز کے فائنل میں جنوبی کوریا کے کانگ ڈونگ شن کو 2 کے مقابلے میں 10 پوائنٹس سے شکست دے کر طلائی تمغہ اپنے نام کیا۔

رپورٹ کے مطابق اس سے قبل سیمی فائنل میں انہوں نے تھائی لینڈ کے تانارک وونگ کٹیکن کو شکست دے کر فائنل کے لیے کوالیفائی کیا تھا۔

رپورٹ میں بتایا ہے کہ یوکی کوریہارا نے محض 6 سال کی عمر میں پزل گیم کھیلنا شروع کیا تھا۔ 

انہیں کرسمس کے تحفے میں پویو پویو ٹیٹرس 2 ملا، جس کے بعد گیمنگ میں ان کی دلچسپی بڑھتی گئی اور پھر چند سالوں میں باقاعدہ مقابلوں میں حصہ لینا شروع کر دیا۔