اسلام آباد سیشن کورٹ: قتل میں ملوث چینی شہری کو سزائے موت سنا دی گئی

اسلام آباد کی ڈسٹرکٹ اینڈ سیشن کورٹ میں چینی شہری کے قتل کیس کی سماعت ہوئی، عدالت نے قتل میں ملوث چینی شہری کو سزائے موت سنا دی۔

ایڈیشنل سیشن جج افضل مجوکہ نے مقتول کے ورثاء کو 10 لاکھ روپے ہرجانہ ادا کرنے کا حکم بھی دیا، گھر میں داخلے کی دفعہ کے تحت 7 سال قیدِ بامشقت اور ایک لاکھ روپے جرمانہ بھی عائد کیا۔

چینی شہری کو دفعہ 354 کے الزام سے بری کر دیا گیا۔ مقدمہ تھانہ سنبل میں درج کیا گیا تھا۔