ابوظہبی ٹی 10، ٹیم ابوظبی کو مسلسل چوتھی شکست

ابوظہبی ٹی 10 کے 12 ویں میچ میں دکن گلیڈی ایٹرز نے ٹیم ابوظہبی کو 63 رنز سے شکست دیدی ۔ آندرے فلیچر (41)، نکولس پورن (30) اور ٹام کوہلر کیڈمور (35) کی تیز اننگز کی بدولت گلیڈی ایٹرز نے مقررہ 10 اوورز میں 6 وکٹوں کے نقصان پر 141 رنز بنائے۔ابوظبی کی ٹیم مقررہ 10 اوورز میں 5 وکٹوں کے نقصان پر 78 رنز ہی بنا سکی اور اسے چار میچوں میں چوتھی شکست کا سامنا کرنا پڑا۔ لیوس ڈو پلوئے (25) اور کولن انگرام (19) نے چوتھی وکٹ کے لئے 41 رنز کی شراکت قائم کرکے ٹیم کے اسکورمیں نمایاں کردار ادا کیا ۔ٹیم ابوظبی نے ٹاس جیت کر باؤلنگ کا فیصلہ کیا تھا ۔ آندرے فلیچرکھیل کے بہترین کھلاڑی قرار پائے۔