“عمران خان کوئی توپ ہے نہ طوفان، حقیقت سے بڑا بنا کر پیش کیا جا رہا ہے

ملتان: / 18مئی 2016

علی موسیٰ گیلانی نے کہا ہے کہ “قیدی نمبر 804 کو جیل سے نکالیں، میں اس کا مقابلہ کروں گا، وہ کوئی اتنا بڑا طوفان یا توپ چیز نہیں، اسے بلاوجہ ہوا دی گئی ہے۔ ہمیں کوئی ڈر اور خوف نہیں، ہم سیاسی لوگ

ہیں اور اسے جمہوری نکیل ڈال کر رکھیں گے۔”
انہوں نے کہا کہ “جن لوگوں کو ڈر ہے وہ اس کے خواب دیکھیں، ہم سیاسی لوگ ہیں اور سیاسی میدان میں ہی مقابلہ کرنا جانتے ہیں۔ سیاستدانوں کو جیلوں کے پیچھے رکھ کر ہیرو بنانے کے بجائے انہیں انتخابی

اکھاڑے میں شکست دینی چاہیے۔”
علی موسیٰ گیلانی نے مطالبہ کیا کہ عمران خان کا نام لینے پر لگی مبینہ پابندی ختم ہونی چاہیے کیونکہ وہ کوئی ایسی ہستی نہیں جن کا نام نہ لیا جا سکے۔ انہوں نے کہا کہ سیاسی اختلافات کا فیصلہ عوام کی

عدالت اور ووٹ کی طاقت سے ہونا چاہیے۔
انہوں نے مزید کہا کہ صرف پاکستان پیپلز پارٹی ہی عمران خان کے سیاسی بیانیے کو ووٹ کی طاقت سے شکست دینے کی بھرپور صلاحیت رکھتی ہے اور پارٹی ہر سیاسی میدان میں مقابلے کے لیے تیار ہے۔