اسلام آباد (نیوزڈیسک) پی ٹی آئی رہنما فیصل جاوید نے بانی پی ٹی آئی اور بشریٰ بی بی کی رہائی سے متعلق بڑا دعویٰ کردیا۔
تفصیلات کے مطابق پی ٹی آئی رہنما فیصل جاوید نے سپریم کورٹ کے باہرمیڈیا سے گفتگو کرتے ہوئے کہا کہ اللہ کا شکر ہے حق اور سچ کی جیت ہوئی ہے، گزشتہ روز ہائی کورٹ کا فیصلہ آیا بانی پی ٹی آئی کورہا کیا جائے۔
فیصل جاوید نے دعویٰ کیا کہ بانی پی ٹی آئی اور بشریٰ بی بی جلدرہا ہوں گے، سائفر کیس بھی ایک سے 2 سماعتوں میں ختم ہو جانا چاہیے، اس کیس کی پچھلی سماعت براہ راست نشر کی جانی چاہیے۔
ان کا مزید کہنا تھا کہ ہمیشہ امیدوارووٹر زکو ڈھونڈتے تھے ہمارے ووٹرز نے امیدواروں کو ڈھونڈا۔
گذشتہ روز تحریک انصاف کے رہنما و معروف قانون دان لطیف کھوسہ نے اس امید کا اظہار کیا تھا کہ انشاءاللہ بانی پی ٹی آئی ہفتہ 10دن میں جیل سے باہر آجائیں گے۔
