بلوچستان میں پنجابیوں کو نسلی بنیاد پر نشانہ بنانا قابلِ مذمت ہے محمد زبیر

کراچی(ڈیلی پاکستان آن لائن) سابق گورنر سندھ محمد زبیر نے کہا ہے کہ بلوچستان میں پنجابیوں کو ان کی نسلی شناخت کی بنیاد پر قتل کرنا انتہائی قابلِ مذمت ہے۔

سماجی رابطے کی ویب سائٹ’’ایکس‘‘ پر جاری بیان میں انہوں نے کہا کہ کسی بھی نسلی، لسانی یا علاقائی شناخت کی بنیاد پر شہریوں کو نشانہ بنانا ناقابلِ قبول ہے اور اس کی ہر سطح پر مذمت ہونی چاہیے۔کسی بھی تحریک یا مقصد کو آگے بڑھانے کے لیے انسانی جانوں کا ضیاع اور بے گناہ افراد کا قتل کسی صورت جائز قرار نہیں دیا جا سکتا۔ انہوں نے زور دیا کہ تشدد کے بجائے مسائل کا حل پرامن اور آئینی ذرائع سے تلاش کیا جانا چاہیے۔معاشرے کے تمام طبقات کو تشدد اور نفرت کے خلاف متحد ہو کر آواز اٹھانی چاہیے تاکہ امن، قانون کی حکمرانی اور قومی یکجہتی کو فروغ دیا جا سکے۔

Killing punjabis in Balochistan because of their ethnicity is condemnable. For that matter killing anyone to advance your movement needs to be condemned by everyone.

— Mohammad Zubair (@Real_MZubair) July 13, 2026