اسلام آباد(نیوزڈیسک)وفاقی حکومت نے ہائی سکیورٹی زون کے حوالے بڑا فیصلہ کرلیا، یکم نومبر سے موٹر سائیکل کے داخلے پر پابندی ہوگی۔
تفصیلات کے مطابق انتظامیہ اورپولیس نے ہائی سکیورٹی زون کے حوالے سے نئی حکمت تیار کر لی ہے، یکم نومبر سے ہائی سکیورٹی میں موٹر سائیکل کے داخلے پر پابندی عائد ہوگی۔
موٹرسائیکل اب کنونشن سنٹر میں پارک ہونگے، کنونشن سنٹر سے ہائی سکیورٹی میں داخلے کے لئے شٹل سروس چلائی جائیگی۔
فیصلہ ہائی سکیورٹی زون میں ٹریفک کے رش کو کنٹرول کرنے کیلئے کیا گیا ہے، بری امام آنے اور جانے کے لئے متبادل راستہ استعمال کیا جاسکے گا۔
پابندی پر عملدر آمد کے لئے پولیس اور انتظامیہ کو ہدایت جاری کردی گئی۔
