لاہور(نیوزڈیسک)پنجاب اسمبلی میں غیر قانونی بھرتیوں کے کیس میں ضلع کچہری نے سابق سیکرٹری پنجاب اسمبلی محمد خان بھٹی کا 2 دن کا جسمانی ریمانڈ منظور کرلیا۔
تفصیلات کے مطابق
اینٹی کرپشن حکام نے محمد خان بھٹی کو عدالت میں پیش کر کے تفتیش کے لیے عدالت سے جسمانی ریمانڈ کی استدعا کی تھی۔
عدالت نے آئندہ سماعت پر تفتیشی افسر سے رپورٹ بھی طلب کرلی ہے۔
واضح رہے کہ اینٹی کرپشن نے محمد خان بھٹی سمیت دیگر افراد کے خلاف پنجاب اسمبلی میں غیر قانونی بھرتیوں کا مقدمہ درج کر رکھا ہے۔
